Verkstaðurin

Verkstaðið er eitt arbeiðstilboð til sjónveik/blind og lættari seinment millum 18 og 67 ár, har framleiðslan er skipað so, at tann einstaki kann arbeiða so sjálvstøðugt sum gjørligt.

Endamál

• at geva blindum og sjónveikum ein innihaldsríkan gerandisdag við møguleikum fyri mennandi avbjóðingum og arbeiðsuppgávum, sum styrkja sjálvsálit og sjálvsvirði 
• at menna og stuðla blindum og sjónveikum sálarliga og sosialt
• at virksemið verður lagt til rættis eftir førleika hjá teimum blindu og sjónveiku
• at framleiða dygdarlutir at selja

Hvør kann koma á Verkstaðin?

Fólk við sjóntrupulleikum og lættari seinment, sum hava tørv á stuðli til ein innihaldsríkan gerandisdag, og samstundis eru fatanarliga, sálarliga og likamliga før fyri luttaka í virkseminum.

Á verkstaðnum eru hesar deildir:

• Timburverkstaður
• Tóverkstaður